• सुचना :

लोकजीवन

   सरलेदिगर हे गाव साधे,कष्टप्रधान आणि पारंपरिक जीवन शैलीसाठी ओळखले जाते.शेती हा गावकरींचा मुख्य व्यवसाय असून भात,नाचणी,कांदा.मका,बाजरी आणि विविध हंगामी भाजीपाला यांची लागवड मोठ्या प्रमाणात केली जाते.

  गावात सामाजिक सांस्कृतिक व धार्मिक परंपरा दृढपणे जपल्या जातात.वर्षभर साजरे होणारे सन उत्सव ग्राम दैवतांची पूजाअर्चा तसेच वाघदेवाची पूजा हा सन गावाच्या एकात्मतेचे प्रतिक मानले जाते.येथे आदिवासी परंपरा आणि संस्कृती चे जतन केले जाते.होळी,गणेशोत्सव,दिवाळी,नवरात्र यासह डोंगर्या देव ह्या स्थानिक देवतांचे (निसर्ग) कार्यक्रम मोठ्या उत्साहाने साजरे केले जातात.

  येथील लोक ‘अतिथी देवो भाव, ह्या मूल्यांना आचरणात आणणारे आहेत. येथील लोक मेहनती लोक आहेत. तरून पिढी शिक्षण, खेळ व रोजगाराच्या संधी शोधून प्रगती कडे वाटचाल करत आहे. सरलेदिगर लोकजीवनात आदिवासी संस्कृती व पारंपारिक ग्रामीण जीवनमान आढळून यते.सरलेदिगर गावाची विकासाकडे वाटचालीचे कार्य उत्तम असे सुरु आहे..

प्रेक्षणीय स्थळे

ग्रामदैवताचे मंदिर:- सरलेदिगर शिव जवळ वाघदेवाची वसुबारस च्या दिवशी संपूर्ण गावातील नागरिक मोठ्या उत्साहाने पूजा करतात.

सरलेदिगर गावात हनुमानाचे भव्य दिव्य असे मंदिर आहे.तसेच ग्रामपंचायत अंतर्गत पुनर्वसन पाडा येथे भवानी माता मंदिर व भव्य असे हनुमान मंदिर वस्तीची शोभा वाढवतात.व येथे धार्मिक कार्यक्रम होत असतात.

हिरवीगार शेती:- सरलेदिगर येथील भात पिकासाठी प्रसिद्ध असून येथे पसरलेली हिरवीगार शेती पाहण्यासारखी आहे.शेती हा ग्रामजीवनाचा मुख्य आधार आहे.

जलसंधारण प्रकल्प:- गावात गिरणा नदीवरील चणकापूर पाणलोट क्षेत्र प्रकल्प हा गावाची शोभा वाढवतो.चणकापूर धरणामुळे गावाच्या शेती व्यवसायाला मोठ मोठ्या प्रमाणात सुजलाम सुफलाम करते.चणकापूर धरणाचा शेतकर्यांना मोठा फायदा झाला आहे.

कसे पोहचावे:-

   सरलेदिगर या ठिकाणी येणेसाठी कळवण बस आगारातून देवळी कराड बसने देसगाव गावात उतरून आपन सरलेदिगर पर्यंत पोहचू शकतो.नाशिक वरून येताना नांदुरी अभोणा चणकापूर मार्गे खाजगी वाहनाने आपण सरलेदिगर येथे पोहचू शकतो.